مصر – القاهرة: ” كواليس دماغي ” ديوان جديد للشاعر هاني عويد

إبراهيم عبد الحميد

مصر

القاهرة :
__________
” كواليس دماغي ” ديوان جديد للشاعر هاني عويد
============================

” كواليس دماغي ” ديوان جديد بالعامية للشاعر هاني عويد عضو اتحاد كتاب مصر ، صدر عن الهيئة العامة لقصور الثقافة ـ النشر الإقليمى ، وهو شاعر يكتب الفصحى والعامية والنقد الأدبي ضمه معجم البابطين حديثا ، وقد صدر له من قبل :
” انصهار الخطى ” 2006
و ” مواسم للحياة ” 2009
و ” نجوم داكنة ” 2012
و له تحت الطبع ” لاشيء يعيد إلي وقـتى ”

حظيت مصر بأطول قصيدة ( لكل واحد فى مصر .. مَصرُه ) من بين 23 قصيدة في الديوان .

يقول الشاعر :

“كفاني حَشدك العَالى ..!!
وانَا دَاير..
أَحبس فى نفَس الموت
وهوَّ بيتابع دخان الكلام
وجرافيتى لوطن ع الحيطان
والغنا وسط الرصاص
والجرى فى سباق الكيان
ونشره متلونه
بدهب جوّانا متحمّل..,
وشقلبه فى ضى ريشه
ما اتكمّل.
ـ أنا إنتَ..
ولاَّ اتبدلت سكتنا
وخدت دُور بَدل الدور..؟!

*******
لِكلْ واحد فى مَصر.. مَصرُهْ
عجينه وفيها تحابيش عَصرُهْ
يُغزُّه الموت..
يقُوم من تانى
ويغزُّه
ومرّه يفوت..
والضحكه مَا تحسّه,
وزمنه يعود
وتركيبتُه ماتحظّه
وم الآخر..
عشان صَهرَاه مَصرُهْ
يشتّت كلّ تفكيرك..
ومَا تِفلتْ خيط من لغزُهْ.”

********
وفي قصيدة ( حدوتة أرابيسك فى عكازي )
يقول :

” خايف أنام
قبل ما اسيب
طابع شفايفى
فى كَفّك,
أَو أروَّح..
مِن غير مَا أسمع دعوة سِتّى
لَمبة الدفا اللى بتطمنى
على صوتى,
وتدعك ركبتى م البرد
تِولع بنُّورة زمنها..
وتسقى المكان ذِكرْ وتسبيح,
تخبّى فى قلبى عُمرْ مَشفتوش
وكَم قيراط سعاده,
فـتسرح عينى..
وانى لازم أخد صوره
كل ما ألْمَحها..
حدوتة أرابيسك فى عكّازي ”

*************

10304435_665441826874264_8122899623328617174_n 10501870_665441700207610_4919544497013518848_n

تعليقات الفيسبوك